Azərbaycan millisi yoxlama görüşündə Maltaya 0:1 hesabı ilə uduzub.

Görüşdən sonra yığmanın baş məşqçisi Canni de Byazi məğlubiyyəti şərh edib:

“Çox narazıyam. Daha çox şey gözləyirdim. İstədiyimiz oyunu göstərə bilmədik. Futbolçulardan daha artığını gözləyirdim. Nəticə qazanmaq üçün bundan yaxşı oyun göstərməli idilər. Bəzi oyunçular bir neçə məşq keçib. Hər şey istədiyimiz kimi alınmadı. Bəzi vacib olan futbolçulardan daha çox şey gözləyirəm. Ən azından meydanda vuruşurduq. Bugünkü rəqib bizlə eyni səviyyədədi. Bu görüşdə daha istəkli olmalı idik. Qapıçıdan razı qaldım. Digərlərindən qeyri-adi heç nə görmədik. Udmaq üçün meydanda daha yaxşı, daha cəld olmalıyıq. Hamımız ümid etməli, yığmadan yaxşı şeylər gözləməliyik. Belə qarşılaşmalar bizim üçün yaxşı dərs olmalıdı”.