“Milan”dan aldığı yeni təklifi qəbul etməyən Frank Kessinin yeni iş yeri məlum olub.

Jurnalist Jerar Romeronun məlumatına görə, o, “Barselona” ilə anlaşıb. Afrikalı futbolçu yayda azad agent kimi bu kluba keçəcək. Romero Frankın yeni komandasına məhz Xavi Ernandesə görə üstünlük verdiyini bildirib. Onlar arasında olan telefon danışığı 25 yaşlı yarımmüdafiəçinin seçimini müəyyənləşdirib.

İspaniyalı jurnalist Kessinin Xavinin rəhbərliyi altında oynamaq naminə İngiltərənin bir neçə klubundan aldığı cəlbedici təklifi geri çevirdiyini də vurğulayıb.