Süleyman və Elcan qələbə ilə başladı - DÇ

Bakıda cüdo üzrə dünya çempionatı davam edir.

"Football-plus.az" xəbər verir ki, mundialın beşinci günündə daha 4 təmsilçimiz mübarizə aparacaq.

Kişilər
90 kq
Süleyman Şükürov - 1/32 finalda norveçli Kornelius Eylertseni məğlub edib. O, növbəti mərhələdə Qoki Tayima (Yaponiya) ilə qarşılaşacaq.
Elcan Hacıyev - 1/32 finalda Aleksandr Knaufu (ABŞ) məğlub edib. O, 1/16 finalda Kiqan Yanqla (Kanada) üz-üzə gələcək.
Məmmədəli Fətiyev – ilk mərhələdən azaddır.

Qadınlar
70 kq
Südabə Ağayeva (70 kq) 1/32 finalda ispaniyalı Ai Tsunoda Roustanta uduzaraq mübarizəni başa vurub.

Hazırda millimizin aktivində 4 medal (1 qızıl, 1 gümüş, 2 bürünc) var. Əhməd Yusifov (60 kq) qızıl, Zelim Tskaev (81 kq) gümüş, Rəşid Məmmədəliyev (73 kq) və Ömər Rəcəbli (81 kq) isə bürünc medal qazanıblar.

Dünya çempionatının görüşləri Milli Gimnastika Arenasında keçirilir.