Azərbaycan "Qran-Pri"sinin qalibi bəlli oldu

Formula-1 Azərbaycan "Qran-Pri"si bu gün başa çatıb.

"Football-plus.az" xəbər verir ki, Bakıda təşkil olunan yarışda "Mersedes"in pilotu Corc Rassell finişə birinci çatıb.

51 dövrə davam edən mübarizədə britaniyalı pilot bütün rəqiblərini geridə qoyaraq Bakıdakı ilk qələbəsini rəsmiləşdirib.

"Red Bull"un sürücüsü Maks Ferstappen yarışı ikinci, komanda yoldaşı İsak Hacar isə üçüncü pillədə başa vurub.

Bakı treki 20 döngədən və 51 dövrədən ibarətdir. Yarışın ümumi məsafəsi 306,049 kilometr təşkil edir.