Boksçumuz Avropa çempionu oldu

Boksçumuz Sübhan Mamedov Avropa çempionu olub.

"Football-plus.az" xəbər verir ki, 50 kq çəki dərəcəsində mübarizə aparan millinin üzvü bu titula Bolqarıstanın paytaxtı Sofiyada yiyələnib.

Dünya çempionu və U-23 Avropa çempionatının qalibi finalda Bair Batlayevi məğlub edib. Hər 3 raundu xeyrinə bitirən Mamedov yekunda 4:1 hesabı ilə qalib gələrək Avropa çempionatının qızıl medalını qazanıb.

Digər təmsilçimiz Səidcəmşid Cəfərov (75 kq) yarımfinalda Kalum Meykinə (İngiltərə) qalib gəlib və sabah həlledici döyüşdə İsmayıl Mutsolqovla (Rusiya) üz-üzə gələcək.

Amin Məmmədzadə (55 kq) isə Avropa çempionatını bürünc medalla başa vurub.

Xatırladaq ki, çempionata sabah yekun vurulacaq.