Gələn il Londona yollanacaq

Andria Bartişvili böyük sevinc içindədi: o, gələn ildən İngiltərənin son çempionuna qoşulacaq.

"Football-plus.az" xəbər verir ki, “Arsenal” 17 yaşlı gürcüstanlı futbolçunu transfer edib.

Hazırda “İberiya 1999”da icarə əsasında çıxış edən Bartişvili “Kolkheti 1913”ə məxsus idi.

London klubunun mətbuat xidmətinin məlumatına görə, Andria yeni komandasına 18 yaşına çatdıqdan sonra, 2027-ci ilin iyulunda qoşulacaq.