Qırğızıstan “Uzgen"i daha bir azərbaycanlı futbolçunu heyətinə qatıb.

"Football-plus.az" xəbər verir ki, bu barədə klubun mətbuat xidməti məlumat yayıb.

Bildirilib ki, “Səbail”lə müqaviləsi başa çatan müdafiəçi Səbayıl Bağırov karyerasını Asiya təmsilçisində davam etdirəcək.

Bununla da “Uzgen"də çıxış edən azərbaycanlı futbolçuların sayı dördə yüksəlib. Hazırda Orxan Əliyev, Ramin Əhmədov, İldar Ələkbərov Qırğızıstan klubunun formasını geyir.