Bu gün Misli premyer-liqasında 33-cü tura start veriləcək. Dörd gün ərzində keçiriləcək oyunlarla elitada mövsümə yekun vurulacaq.

Artıq hansı komandaların cəzalı futbolçularının olduğu bəllidi. “Football-plus.az”ın məlumatına görə, “Qəbələ”dən Asif Məmmədov, “Neftçi”dən Emil Səfərov, “Karvan-Yevlax”dan Vadim Abdullayevlə Olavale Doyeni, “Araz-Naxçıvan”dan Nuno Rodriges, “Sabah”la üz-üzə gəlməyə hazırlaşan “Turan Tovuz”dan Roberto Olabe, Roderik Miller və Enrike Silva, nəhayət, “İmişli”dən Juninyo son turda meydana çıxa bilməyəcək.

Xatırladaq ki, “Qəbələ” – “Şamaxı” matçıyla başlayacaq tur 24-də keçiriləcək “İmişli” – “Karvan-Yevlax” oyunuyla sona çatacaq.

KƏNAN BAHADIR