“Formula-1” dünyasında önəmli razılaşma
Beynəlxalq Avtomobil Federasiyası (FIA) və “Formula-1” rəhbərliyi gələn ildən bolidlərdə daxiliyanma mühərriklərinin gücünü artırmaq və enerji bərpa sistemlərinin tutumunu azaltmaq ilə bağlı razılığa gəlib.
"Football-plus.az" xəbər verir ki, ötən həftə FIA, “Formula-1” rəhbərləri, həmçinin güc aqreqatları istehsal edən 5 şirkətin təmsilçilərinin iştirakı ilə onlayn-iclas keçirilib.
Beynəlxalq Avtomobil Federasiyasının yaydığı məlumatda deyilir:
“Bu gün 2027-ci il üçün daxiliyanma mühərriklərinin gücünün nominal olaraq təxminən 50 kVt artırılmasını, eləcə də yanacaq sərfiyyatının artırılmasını və enerji bərpa sisteminin tutumunun nominal olaraq təxminən 50 kVt azaldılmasını nəzərdə tutan prinsipial tədbirlər razılaşdırılıb”.
Məlumatda o da qeyd olunur ki, tədbirlər paketi ilə bağlı yekun qərar verilməsi üçün komandaların nümayəndələri və güc aqreqatı istehsalçıları da daxil olmaqla texniki qruplarda əlavə ətraflı müzakirələrin təşkili də zəruridi.
Digər xəbərlər
