Misli premyer-liqasında 2025/26 mövsümünün bütün mükafatçılarının medallarının əyarı dəqiqləşib.

"Football-plus.az" xəbər verir ki, ilk çempionluğu qazanan “Sabah”ın ardından “üçlük”də yerini təmin edən “Qarabağ”la “Turan Tovuz”un hansı əyarlı medal qazandığı 32-ci turda bəlli olub.

"Qarabağ" “İmişli” üzərində 3:0 hesablı qələbə qazanaraq 2-ci yeri təmin edib. Bununla da “Qarabağ”ın Avropa Liqasının 1-ci təsnifat mərhələsində oynayacağı dəqiqləşib.

32-ci turda səfərdə “Şamaxı”ya 2:3 hesabı ilə məğlub olan “Turan Tovuz” isə premyer-liqanın 3-cüsü olub. Qərb təmsilçisi Konfrans Liqasında mübarizəyə 2-ci təsnifat mərhələsindən başlayacaq.

Bununla da ötən mövsümün üç mükafatçısından yalnız biri – “Qarabağ” yenə medalçılar sırasında qalıb. “Sabah” fasilədən sonra “üçlüy”ə qayıdıbsa, “Turan Tovuz” ilk dəfə bunu bacarıb. Bir mövsümdə iki komandanın mükafatçılar sırasına qoşulması və yalnız birinin “üçlük”də qalmasına sonunu dəfə 2010/11 mövsümündə təsadüf olunmuşdu. 15 il əvvəl də “Qarabağ” bir mövsüm öncəki kimi mükafatçılar sırasında qalmışdı.

Premyer-liqanın bütün mükafatçıları
mövsüm çempion 2-ci yer 3-cü yer
1992 Neftçi (Bakı) Xəzər (Sumqayıt) Turan (Tovuz)
1993 Qarabağ (Ağdam) Xəzər (Sumqayıt) Turan (Tovuz)
1993/94 Turan (Tovuz) Qarabağ (Ağdam) Kəpəz (Gəncə)
1994/95 Kəpəz (Gəncə) Turan (Tovuz) Neftçi (Bakı)
1995/96 Neftçi (Bakı) Xəzri (Buzovna) Kəpəz (Gəncə)
1996/97 Neftçi (Bakı) Qarabağ (Ağdam) Xəzri (Buzovna)
1997/98 Kəpəz (Gəncə) Dinamo (Bakı) Şəmkir
1998/99 Kəpəz (Gəncə) Şəmkir Neftçi (Bakı)
1999/2000 Şəmkir Kəpəz (Gəncə) Neftçi (Bakı)
2000/01 Şəmkir Neftçi (Bakı) Viləş (Masallı)
2001/02 Yarımçıq qalıb
2002/03 Keçirilməyib
2003/04 Neftçi (Bakı) Şəmkir Qarabağ-Azərsun (Ağdam)
2004/05 Neftçi (Bakı) Xəzər-Lənkəran Karvan (Yevlax)
2005/06 Bakı Karvan (Yevlax) Neftçi (Bakı)
2006/07 Xəzər-Lənkəran Neftçi (Bakı) Bakı
2007/08 İnter (Bakı) Olimpik (Bakı) Neftçi (Bakı)
2008/09 Bakı İnter (Bakı) Simurq (Zaqatala)
2009/10 İnter (Bakı) Bakı Qarabağ (Ağdam)
2010/11 Neftçi (Bakı) Xəzər Lənkəran Qarabağ (Ağdam)
2011/12 Neftçi (Bakı) Xəzər Lənkəran İnter (Bakı)
2012/13 Neftçi (Bakı) Qarabağ (Ağdam) İnter (Bakı)
2013/14 Qarabağ (Ağdam) İnter (Bakı) Qəbələ
2014/15 Qarabağ (Ağdam) İnter (Bakı) Qəbələ
2015/16 Qarabağ (Ağdam) Zirə (Bakı) Qəbələ
2016/17 Qarabağ (Ağdam) Qəbələ İnter (Bakı)
2017/18 Qarabağ (Ağdam) Qəbələ Neftçi (Bakı)
2018/19 Qarabağ (Ağdam) Neftçi (Bakı) Səbail (Bakı)
2019/20 Qarabağ (Ağdam) Neftçi (Bakı) Keşlə (Bakı)
2020/21 Neftçi (Bakı) Qarabağ (Ağdam) Sumqayıt
2021/22 Qarabağ (Ağdam) Neftçi (Bakı) Zirə (Bakı)
2022/23 Qarabağ (Ağdam) Sabah (Bakı) Neftçi (Bakı)
2023/24 Qarabağ (Ağdam) Zirə (Bakı) Sabah (Bakı)
2024/25 Qarabağ (Ağdam) Zirə (Bakı) Araz-Naxçıvan
2025/26 Sabah (Bakı) Qarabağ (Ağdam) Turan Tovuz

34-cü mövsümü başa çatmaqda olan Azərbaycan çempionatlarından birinin qalibləri müəyyənləşmədiyini nəzərə alsaq, ümumilikdə 33 dəst medal sahibini tapıb. Bu 99 medaldan 21-ni “Neftçi”, 20-ni “Qarabağ” əldə edib.

Yubiley mükafatına sahib çıxan Ağdam təmsilçisi gümüş medalların sayında “Neftçi”nin rekorduna çatıb. Hər iki komandanın 5 ikinciliyi var.

“Turan Tovuz” 21-ci mükafatçı kimi tarixə düşübsə, “Sabah” hər üç əyarlı medala sahib çıxan 7-ci komanda olub.

Premyer-liqanın mükafatçıları klublar üzrə:
klub 1-ci 2-ci 3-cü
Qarabağ (Ağdam) 12 5 3
Neftçi (Bakı) 9 5 7
Kəpəz (Gəncə) 3 1 2
Şamaxı 2 3 4
Bakı 2 2 2
Şəmkir 2 2 0
Turan (Tovuz) 1 1 2
Xəzər Lənkəran 1 3 0
Sabah (Bakı) 1 1 1
Zirə (Bakı) 0 3 1
Qəbələ 0 2 3
Xəzər (Sumqayıt) 0 2 0
Xəzri (Bakı) 0 1 1
Karvan (Yevlax) 0 1 1
Olimpik (Bakı) 0 1 0
Simurq (Zaqatala) 0 0 1
Viləş (Masallı) 0 0 1
Səbail (Bakı) 0 0 1
Sumqayıt 0 0 1
Araz-Naxçıvan 0 0 1
Turan Tovuz 0 0 1

Qeyd edək ki, “Bakı” “Dinamo”, “Şamaxı” “İnter” və “Keşlə”, “Qarabağ” “Qarabağ-Azərsun”, AZAL isə “Olimpik” adı altında mükafat qazanıb.