Bu yay keçiriləcək dünya çempionatına xüsusi hazırlıq görülüb. DÇ-2026-nın final oyununda möhtəşəm şou proqramı təşkil olunacaq.

"Football-plus.az" xəbər verir ki, “Coldplay” qrupunun sosial şəbəkədəki paylaşımına görə, ABŞ-nin Nyu Cersi ştatında yerləşən “MetLife Stadium”da keçiriləcək final matçının fasiləsində tarixdə ilk dəfə Super Bovl üslubunda şou təşkil ediləcək. Dünya ulduzları Madonna, Şakira və BTS qrupu səhnəyə çıxacaq. Bu səbəbdən matçın fasiləsi 15 dəqiqədən uzun çəkəcək.

Məlumatda o da qeyd olunub ki, mundialın finalındakı şounun təşkilatçılarından biri Kris Martin olacaq. Tədbir “Global Citizen” təşkilatının dəstəyi ilə baş tutacaq. Bu layihənin əsas məqsədi FİFA və “Global Citizen”in birgə təhsil fonduna vəsait toplamaqdı. Fond dünyada uşaqların keyfiyyətli təhsil və futbola çıxış imkanlarının artırılmasına yönəlib.