60 milyon dollar qazanır, yenə də narazıdı!
“Qolden Steyt”in oyun qurucusu Stefen Karri belə hesab edir ki, qüvvədə olan kollektiv anlaşma üzündən MBA oyunçuları az maaş alırlar.
Onun dediyinə görə, MBA-nın gəlirindəki artıma baxmayaraq, mövcud qaydalar oyunçulara klubların pay bölgüsündə iştiraka imkan vermir:
“Müqavilələrimizdəki məbləğlər ağlasığmaz görünür, ancaq liqa indi əvvəlki dövrlərlə müqayisədə dəfələrlə artıq qazanır... Klublara ayrılan pulun bölünməsində iştirak edə bilməməyimiz az maaş aldığımızı deməyimin əsas səbəblərindən biridi”.
“Forbes”in hesablamasına inansaq, Karri 2025/26 mövsümündə reklam müqavilələri nəzərə alınmadan 59,6 milyon dollar qazanmaqla bu liqanın ən yüksək ödənişli oyunçusudu. Gələn mövsüm onun müqavilə üzrə qazancı 60 milyon dolları da ötəcək.
38 yaşlı Karri 2009-cu ildən “Qolden Steyt”in şərəfini qoruyur, dördqat MBA çempionudu.
Digər xəbərlər
