Arbeloaya o da xələf ola bilər

“Real” rəhbərliyinin Alvaro Arbeloanı istefaya göndərməyi planlaşdırdığı hamıya məlumdu.

"Football-plus.az" xəbər verir ki, baş məşqçi vəzifəsinə daha bir namizəd müəyyənləşib.

Namizədlərin sırasına Almaniya yığmasının baş məşqçisi Yulian Naqelsmann da qoşulub. İspaniya mənbələrinə görə, o, “Real”da işləmək perspektivinə müsbət yanaşır. Lakin Naqelsmann milli komandadan yalnız bu il keçiriləcək dünya çempionatından sonra ayrılmağa hazır olacaq.

Bir neçə gün əvvəl baş məşqçi vəzifəsinə Joze Mourinyonun da gətirilə biləcəyi haqda xəbərlər yayılmışdı. Lakin “Benfika”nın çalışdırıcısı İspaniya klubundan təklif almadığını bildirib.