Aprelin 26-da keçirilən Azərbaycan derbisi “Neftçi”nin növbəti “Qarabağ” sınağında da faciəylə üzləşməsi ilə nəticələndi. Ancaq bu matç cari mövsümdə şahidlik etdiyimiz sonuncu duel deyil. Ona görə ki, bu gün daha bir Azərbaycan derbisi keçiriləcək. Söhbət ağdamlıların Çempionlar Liqasının pley-off mərhələsində “Nyukasl”a qarşı görüşə daha yaxşı hazırlaşması məqsədilə təxirə salınan qarşılaşmadan gedir.

Yeri gəlmişkən, oyun həm “CBC Sport”un, həm də “İdman” TV-nin efirində canlı yayınlanacaq.

Misli premyer-liqası
2-ci dövrə, 21-ci turdan təxirə salınan oyun
30 aprel
Neftçi – Qarabağ 0:0
“Neftçi”nin bu rəqiblə ev oyunlarının balansı: 50:+12=16-32, 45:71.
1992/93 – 1:1; 1993/94 – 1:1; 1994/95 – 3:2; 1995/96 – 2:2, 2:2**; 1996/97 – 0:0; 1997/98 – 1:1; 1998/99 – 0:0, 0:0; 1999/20 – 2:0; 2000/01 - +:-*; 2001/02 – 1:0; 2003/04 – 2:0; 2004/05 – 1:0; 2005/06 – 2:0; 2006/07 – 0:0; 2007/08 – 0:0; 2008/09 – 0:1; 2009/10 – 0:0, 0:0; 2010/11 – 1:1, 2:0; 2011/12 – 3:2, 2:1; 2012/13 – 0:1, 1:2; 2013/14 –0:0, 1:4; 2014/15 – 1:3, 0:1; 2015/16 – 1:0, 1:2; 2016/17 – 0:2, 1:2; 2017/18 – 1:3, 0:0; 2018/19 – 3:1, 2:3; 2019/20 – 0:0; 2020/21 – 0:6, 1:0; 2021/22 – 1:2, 1:2; 2022/23 – 0:4, 2:4; 2023/24 – 0:2, 1:4; 2024/25 – 0:3, 0:1; 2025/26 – 1:5.
* - texniki nəticə top fərqində nəzərə alınmayıb.
** - neytral meydanda keçirilib.
Cəzalı: yoxdu.
“Futbol+”in proqnozu: 20-30-50.
Bakı, “Palms Sports Arena”. Saat 20.00.

Zarafat deyil, “Neftçi” 18 oyundu “Qarabağ”a qalib gələ bilmir. Üstəlik “köhlən atlar” ardıcıl 11 matçda qələbə qazanıb. Deməli, “ağ-qaralar” ağdamlılarla bağlı ciddi kompleks yaşayır. Belə düşünmək üçün başqa əsaslar da var. Azı ona görə ki, Yuri Vernidubun rəhbərliyi altında meydana çıxan bakılılar srağagünə qədər 13 premyer-liqa matçında cəmi bir dəfə məğlubiyyətlə üzləşmişdi. Kəsəsi, azarkeşlər bu dəfə “Qarabağ”la bağlı tilsimin qırılacağına əvvəlkindən daha çox inanırdı. Ancaq Qurban Qurbanov həmkarına “ağ-qaralar”ın “sükanı arxasında” ən ağır məğlubiyyətini yaşatdı. İstənilən halda, daha bir şans var. Paytaxt təmsilçisi qısa müddətdə toparlanmağa nail olsa, ağdamlılardan qisas ala bilər. Yenə də “köhlən atlar”ın əzəli rəqibinə şans verəcəyinə inanmaq çətindi. Axı “Qarabağ”ın mövsümü titulsuz başa çatdıracağı böyük ölçüdə dəqiqləşsə də, Avropa Liqasına yollanmaq şansı qüvvədədi. Əlbəttə, son çempion bunun üçün “futbol ili”ni ikinci sırada tamamlamalı, “Sabah” yenə ölkə kubokunun qalibi olmalıdı. Göründüyü kimi, ağdamlıların da motivasiyalı olmaq üçün önəmli səbəbi var.

Ümumiyyətlə, komandalar indiyə qədər 101 dəfə qarşılaşıb. Bunların 23-də “Neftçi”, 47-də “Qarabağ” qələbə qazanıb, 31-də qalib müəyyənləşməyib. Topların nisbətində “köhlən atlar” öndədi – 147:85.

1. Sabah 29 22 6 1 69-21 72
2. Qarabağ 28 18 5 5 60-19 59
3. Turan Tovuz 29 16 8 5 39-20 56
4. Zirə 29 11 13 5 38:32 46
5. Neftçi 28 11 11 6 46-30 44
6. Araz-Naxçıvan 29 11 7 11 38-53 40
7. Sumqayıt 29 11 5 13 38-40 38
8. Şamaxı 29 8 11 10 27-29 35
9. İmişli 29 6 11 12 21-39 29
10. Kəpəz 29 6 3 20 22-57 21
11. Qəbələ 29 5 5 19 26-45 20
12. Karvan-Yevlax 29 3 5 21 21-59 14

Bombardir: Coy-Lens Mikels (Sabah) – 18.

KƏNAN BAHADIR