Bizon ölkə kubokunun yarımfinal mərhələsinin cavab görüşləri çərçivəsində bu gün keçirilən “Sabah” - “Qarabağ” qarşılaşmasında gərgin anlar yaşanıb.

"Football-plus.az" xəbər verir ki, Ağdam təmsilçisinin qapıçısı Mateuş Koxalski "Sabah"ın futbolçusu Velko Simiçin qapı ilə üzbəüz qaldığı və aşkar qol vurmaq şansı əldə etdiyi vəziyyətdə qaydanı kobud şəkildə pozub. Baş hakim Rəvan Həmzəzadə bu epizoda görə "Qarabağ"ın qolkiperinə birbaşa qırmızı vərəqə göstərib. Hazırda Qurban Qurbanovun komandası meydanda azlıqda mübarizə aparır.

Qeyd edək ki, hakimin bu qərarı tribunadakı azarkeşlər tərəfindən böyük narazılıqla qarşılanıb. Kəskin etirazlarını bildirən tərəfdarlar meydana yad əşyalar atmağa başlayıblar.