"Rəşad Sadıqov "Zirə" - "Turan Tovuz" oyunundan sonra mətbuat konfransında bəzi açıqlamalar verib. Onun sözlərindən belə çıxır ki, "Ultras Turan"ı kimsə yönləndirir. Bu açıqlamanı özümüzə qarşı təhqir hesab edirik. Açıqca bəyan edirik ki, bizi heç kim yönləndirə bilməz. Yeri gələndə biz oyunçulara, baş məşqçiyə və klub rəhbərliyinə də etiraz edirik. Rəşad Sadıqov deyir ki, Tovuza öz evinə gedirmiş kimi hiss edir. Təəssüf hissi ilə bildiririk ki, Rəşad Sadıqov "Turan Tovuz"da oynayanda da, ondan sonra da bizi yaxşı tanıya bilməyib, tovuzlu azarkeşlərin komandaya olan sevgisini anlaya bilməyib. Bizi digər, azarkeşi olmayan klublarla səhv salmasın. Hər zaman komandamızın yanındayıq. "Turan Tovuz"un uğurları üçün 12-ci oyunçu olmağa davam edəcəyik. Sonda bildirik ki, bizim "Turan Tovuz"a olan sevgimiz Əliyar Ağayevin Rəşad Sadıqova olan sevgisindən qat-qat çox və təmənnasızdı".