AFFA İntizam Komitəsinin bugünkü iclasında “Neftçi” ilə oyundan sonra hakimin avtomobilinə azarkeşlər tərəfindən zərər yetirildiyinə görə “Zirə” klubu 3 min manat cərimələnib. Üstəlik maşının təmir xərclərini də “qartallar” ödəyəcək.

“Football-plus.az” bu məqamı “Zirə”nin mətbuat katibi Elmar Abdullazadə ilə dəqiqləşdirib. Maşını xətər görən şəxs son saniyələrdə ofsayd qərarını vermədiyinə, qolu qeydə aldığına görə böyük qalmaqala səbəbkar olan laysman Namiq Hüseynovdu.

Bizdə olan bilgiyə görə, maşına “Neftçi” azarkeşləri xətər yetirib, amma cərimələnən “Zirə”di. Qərar yeni verildiyinə görə “qartallar”ın düşərgəsində hələ müzakirə olunmayıb. Amma apellyasiya şikayətinin verilməsi də mümkündü.

MÜZƏFFƏR QULUZADƏ