"Turan" finala vəsiqə qazandı

Qadın voleybolçular arasında yüksək liqada növbəti finalçı müəyyənləşib.

“Turan” və “Gəncə” arasında baş tutan yarımfinal matçı birincilərin qələbəsi ilə yekunlaşıb.

Tovuz Olimpiya İdman Kompleksində keçirilən oyun ev sahiblərinin 3:0 hesablı üstünlüyü ilə bitib.

Tovuz komandası birinci görüşdə də eyni hesabla qalib gəlmişdi.

“Turan” finalda “DH Volley”lə münasibətlərə aydınlıq gətirəcək.