Lamin Yamal İspaniya çempionatında tarixi rekorda imza atıb.

"Football-plus.az" xəbər verir ki, “Barselona”nın hücumçusu buna “Espanyol”la matçda meydana çıxmaqla nail olub. 18 yaşlı futbolçu La Liqada 100-cü oyununu keçirib və bununla da bu göstəriciyə ən yeniyetmə yaşda çatan futbolçu olub. Əvvəlki rekord “Real”ın sabiq hücumçusu Raul Qonsalesə məxsus idi.

Yamal cari mövsümdə meydana çıxdığı 42 oyunda 21 qol və 16 məhsuldar ötürmə ilə yadda qalıb.