Roy Hocsonun yeni iş yeri məlum olub.

"Football-plus.az" xəbər verir ki, 78 yaşlı mütəxəssis bundan sonra çempionşipdə çalışacaq. “Bristol Siti” Hocsonun təyinatını açıqlayıb. İngiltərə yığmasının sabiq baş məşqçisi ilə müddəti mövsümün sonuna kimi nəzərdə tutulan müqavilə imzalanıb.

Hocsonun sonuncu iş yeri “Kristal Pelas” olub. O, 2024-cü ilin fevral ayında London klubundan ayrılıb. Hocson 2012-16-cı illərdə İngiltərə millisinə rəhbərlik edib. Təcrübəli mütəxəssis uzunmüddətli karyerası ərzində “İnter”, “Udineze”, “Liverpul”, “Kopenhagen”, “Fulhem”, “Uotford” klublarını və Finlandiya yığmasını da çalışdrıb.