''Fənərbaxça''nın mövsümün əvvəlində heyətinə cəlb etdiyi Marko Asensionun Türkiyə karyerası hələ ki, gözləniləndən də yaxşı keçir.

"Football-plus.az" xəbər verir ki, Türkiyə futboluna çox tez uyğunlaşan ispaniyalı ulduz İstanbul nəhənginin liderlərindən biri sayılır. Ən son ''Gənclərbirliyi'' ilə qarşılaşmada Asensio dabanla Kərəm Aktürkoğlunu qapıçı ilə üzbəüz çıxararaq mövsümün ən gözəl məhsuldar ötürmələrindən birini verdi.

Yeri gəlmişkən, bu məhsuldar ötürmə ilə Asensio şəxsi rekordunu yeniləmiş oldu. Bu mövsüm o, Türkiyə çempionatında 9 qol, 7 məhsuldar ötürmə ilə artıq 16 qolun vurulmasında yaxından iştirak edib. 30 yaşlı futbolçu buna qədər peşəkar karyerasında heç bir mövsümdə çempionat çərçivəsində 16 qolun vurulmasında yaxından iştirak etməmişdi. Artıq İspaniya mətbuatında Asensionun yenidən yığmağa çağırılmağa layiq olması barədə xəbərlər də dərc olunub.

AS nəşri ötən həftə bu məsələni gündəmə gətirmişdi. ''Gənclərbirliyi''nə qarşı matçın ardından ''Fənər''in çalışdırıcısı Domeniko Tedesko bu mövzuda suala cavab verərək bunları deyib: