“Bu il təkcə əsas millinin yox, bütün yığma komandalarımızın uğurlu çıxışla yadda qalmasını istəyirəm. Bu il daha çox məsuliyyət tələb edən yarışda iştirak edəcəyik. Millətlər Liqasını nəzərdə tuturam. Təəbii ki, hədəf D liqasından C liqasına yüksəlmək olacaq. İnanıram ki, 2026-cı il bizim üçün uğurlu olacaq”.

“Fərqindəyik ki, hamı bizdən yaxşı nəticələr gözləyir. Dövlətin futbola qayğısı ən yüksək səviyyədədi. Təkcə milli komandalara yox, ölkədaxili çempionatlara da böyük diqqət var. Dövlətin dəstəyi sayəsində premyer-liqada 12 komanda çıxış edir. Üstəlik 1-ci və 2-ci liqalar təşkil olunur. Bu çempionatlarda da komandalar inkişaf edir. Çox şükür, bölgə futbolu müəyyən səviyyəyə çatıb. Bu, dövlətimizin, dövlətimizin başçısının qayğısı sayəsində baş verib. Biz də istəyirik ki, cənab Prezidenti sevindirək, İlham Əliyev milli komandamızla yaxşı mənada öyünsün. Ümid edirik ki, bunun üçün çox gözləməli olmayacağıq. AFFA inkişaf planı hazırlayır. Gələcəkdə yaxşı nəticələr olacaq. Hər kəs milli komanda ilə qürur duyacaq”.