Azərbaycan futbolu, daha dəqiqi, yığması üçün növbəti sınaq anı yetişdi.

Ayxan Abbasovun rəhbətlik etdiyi komanda bu gün evdə dünyanın ən güclülərindən Fransa yığması ilə qarşılaşacaq. “Üçrənglilər” Bakıya eksperimental heyətlə gəlib. İş ondadı ki, yığmamız da yarımcandı. Ayxan bəy müxtəlif səbəblərdən Mahir Emreli, Musa Qurbanlı, Elvin Cəfərquliyev, Toral Bayramov və Rüstəm Əhməzadənin köməyindən məhrumdu.

Bəs belə durumda baş məşqçi hansı heyətə güvənəcək?

“Football-plus.az” optimal “11-liy”i təklif edir. Qapıda, təbii ki, cəzasını bitirən Şahruddin Məhəmmədəliyev dayanacaq. İslandiyaya qarşı 5-li müdafiə ilə oynayan Abbasov bu dəfə də eyni sistemə sadiq qalacaq. Çox güman, müdafiənin cinahlarında Rüfət Abbasovla Abbas Hüseynov, mərkəzində isə Anton Krivotsyuk, Bəhlul Mustafazadə və Bədavi Hüseynov yer alacaq. Dayaq yarımmüdafiəçisi kimi oyuna Emin Mahmudov və Abdulla Xaybulayev başlayacaq. Yarımmüdafiənin cinahlarında Xəyal Əliyevlə Rüfət Abdullazadə yer alacaq. Mərkəz hücumçusu mövqeyində isə Renat Dadaşovu görürük.

MÜZƏFFƏR QULUZADƏ