"Neftçi"nin müdafiəçisi üçün 200-cü oyun

Elvin Bədəlov ölkə çempionatlarının yüksək dəstəsində 200-cü oyununu keçirib.

"Football-plus.az" xəbər verir ki, “Neftçi”nin müdafiəçisinin yubileyi Misli premyer-liqasının 10-cu turuna təsadüf edib. 30 yaşlı müdafiəçi “Kəpəz”lə ev görüşündə (5:1) forma geyib.

O, premyer-liqadakı 200 matçda 3 qola imza atıb. Elvinin debütü 2013/14 mövsümündə “Neftçi”nin heyətində gerçəkləşib. O, “ağ-qaralar”ın heyətində 51 (1 qol), “Sumqayıt”da 149 (2 qol) oyun keçirib.

Bədəlov turnirin tarixində 200 və daha çox matça çıxan 157-ci futbolçudu. O, buna cari mövsümdə nail olan ikinci oyunçudur. Filip Ozobiç də “200”ü mövsümün gedişində arxada qoyub.