İsrailli azarkeşlərə qadağa tətbiq olunub. Avropa Liqasının liqa mərhələsinin “Aston Villa” – “Makkabi” (Təl-Əviv) matçına qonaq komandanın tərəfdarları buraxılmayacaq.

"Football-plus.az" xəbər verir ki, bu barədə Birmingem şəhərinin Baş Polis İdarəsi qərar verib. Hüquq-mühafizə orqanı Yaxın Şərqdə davam edən münaqişə səbəbindən israilli azarkeşlər haqqda bu addımı atıb. Noyabrın 7-də keçiriləcək “Aston Villa” – “Makkabi” oyunu saat 00.00-da başlayacaq.

Maraqlıdı ki, Böyük Britaniyanın baş naziri Kir Starmer bu qərarı tənqid edib: “Bu qərar yanlışdı. Biz küçələrimizdə antisemitizmə dözə bilmərik.
Polisin rolu futbol azarkeşlərinin zorakılıq və qorxu olmadan oyundan həzz almasını təmin etməkdi”.
Qərara qarşı çıxanlar arasında Böyük Britaniyanın Mühafizəkarlar Partiyasının lideri Kemi Beydnok da var. O, israilli azarkeşlərə qadağa tətbiq olunmasını “milli rüsvayçılıq” adlandırıb.