Bəli, yığmamızın Ayxan Abbasovun rəhbərliyi altında Fransa və Ukraynaya qarşı keçirdiyi matçlar hələ bir neçə gün müzakirə mövzusu olacaq. Lakin bu, Misli premyer-liqasını diqqətdən kənarda saxlamağa əsas vermir. Azı ona görə ki, bu gün elita klublarının yarışında fasilə başa çatacaq və mövsüm qaldığı yerdə davam edəcək.

Həmin gün 8-ci turun ilk iki matçı keçiriləcək. Şamaxı şəhər stadionunda və “Azərsun Arena”da keçiriləcək qarşılaşmalar “CBC Sport”un efirində canlı yayınlanacaq.

Misli premyer-liqası
1-ci dövrə, 8-ci tur
17 oktyabr
Şamaxı – Kəpəz 1:4
Sezar Enrike, 11 - Fərid Nəbiyev, 34; 39. Luis Paçu, 67; 85
Qırmızı vərəqə: Abdullahi Şuaybu, 45+1 (Şamaxı).
“Şamaxı”nın bu rəqiblə ev oyunlarının balansı: 19:+13=4-2, 42:13.
1999/00 – 3:1; 2000/01 – 3:0; 2001/02 – 2:0; 2003/04 – 8:0; 2004/05 – 2:0; 2005/06 – 5:0; 2010/11 – 1:0; 2011/12 – 0:0; 2012/13 – 3:1; 2015/16 – 1:0, 1:0; 2016/17 – 2:2, 4:1; 2017/18 – 3:2, 0:2; 2022/23 – 1:1, 1:1; 2024/25 – 0:1, 2:1.
Cəzalı: yoxdu.
“Futbol+”in proqnozu: 50-30-20.
Şamaxı, şəhər stadionu. Saat 14.30.

Turan Tovuz – Qarabağ 1:2
Alexandro Serrano, 40 - Nəriman Axundzadə, 55. Abdulla Zubir, 63
“Turan Tovuz”un bu rəqiblə ev oyunlarının balansı: 6:+0=2-4, 6:14.
Cəzalı: yoxdu.
“Futbol+”in proqnozu: 30-30-40.
Bakı, “Azərsun Arena”. Saat 19.00.

Göründüyü kimi, turun ikinci matçında çempionluğa iddialı komandalar qarşılaşacaq. “Turan Tovuz”un son iki matçda böyükhesablı qələbələr qazandığını, bunun hesabına lider olduğunu bilirsiz. İndi komanda ən çətin vəzifələrdən birinin öhdəsindən gəlməyə - “Qarabağ”ı məğlub etməyə çalışmalıdı. Komanda bununla liderliyini möhkəmlədəcək ki, növbəti oyunlarda daha istəkli görünmək üçün zəmin yaranacaq. Həm də Çempionlar Liqasında mübarizə aparan Ağdam təmsilçisi də qələbə qazanmaq niyyətindədi. Hər halda, “köhlən atlar” potensial liderdi və bu fürsəti əldən vermək istəməyəcək. İş ondadı ki, “bozqurd” hələ ev oyununda “Qarabağ”ı məğlub edə bilməyib. Sadəcə, bu matç məhz rəqibin meydanında keçirildiyindən statistika baxımından tovuzluların müəyyən qədər şanslı olduğunu düşünmək olar. Bu görüşlə bağlı azarkeşlər dəstəyini də qabartmalıyıq. Ona görə ki, tovuzlu futbolsevərlərin komandaya olan sevgisindən hamı xəbərdardı. “Qarabağ”ın azarkeşləri isə sevimlilərini liderin önündə tək qoymayacaq.

Ümumiyyətlə, bu komandalar indiyə qədər 12 dəfə qarşılaşıb. Bunların 2-də “Turan Tovuz”, 8-də “Qarabağ” qələbə qazanıb, 2-də hərəyə bir xal düşüb. Topların nisbətində “köhlən atlar” öndədi – 28:13.

KƏNAN BAHADIR

Bu komandaların duelləriylə bağlı maraqlı məqamlar
// “Kəpəz” son üç oyunun hərəsində bir qol vurub. Gəncə klubu son 8 səfərdə rəqib meydanından qolsuz dönmür.
// “Qarabağ” səfərdə uduzmayıb. Son dörd matçda qonaq olan komanda xal qazanıb.