Bu gün ölkəmizin basketbol klubları avrokuboklar çərçivəsində növbəti oyuna çıxıb. "Sabah" evdə Çempionlar Liqasının əsas mərhələsində 2-ci oyununu keçirib. Rimas Kurtinaytisin çalışdırdığı “bayquşlar” "Alba" (Almaniya) ilə qarşılaşıb. Təəssüf ki, ardıcıl ikinci oyunda məğlubiyyətdən qaçmaq mümkün olmayıb. Bu qrupun digər oyununda Fransa “Elan Şalon”u Çexiya “Nimburk”una 97:95 hesabıyla qalib gəlib.
Sabah – Alba (Almaniya) 76:85 (16:16, 13:20, 21:24, 26:25)
“Neftçi” də Avropa Kubokunun əsas mərhələsinə məğlubiyyətlə başlayıb. İlk oyunu səfərdə Polşa “Trefl”i ilə keçirən “ağ-qaralar” rəqibə müqavimət göstərə bilməyib.
Trefl (Polşa) – Neftçi 92:63 (27:14, 20:20, 21:13, 24:16)