Üçqat Rusiya çempionu Andrey Parfyonov dopinq-testindən keçə bilməyib.

"Football-plus.az" xəbər verir ki, bu barədə “Lıjnıye qonki 47” teleqram kanalı məlumat yayıb.

Yoxlamadan sonra götürülən analizlərdə idmançının orqanizmində mildronat (mildonium) aşkarlanıb.
Başverənlərin bütün səbəblərini öyrənmək və gələcəkdə belə halların qarşısını almaq üçün hərtərəfli daxili araşdırma aparılacaq. Bununla belə, fakt qeydə alınıb. İdmançı, hətta bunu qəsdən etməsə belə, anti-dopinq qaydalarının pozulmasına görə tam məsuliyyət daşıyır.

Qeyd edək ki, 37 yaşlı Parfyonov xizək yarışlarının sprint növündə Rusiya çempionatının üçqat qalibi olub. O, 2009-cu ildə Rusiya yığmasının heyətində çıxış edib və dünya çempionatında 4-cü yeri tutub.