Mixail Mudrik maraqlı qərarı ilə diqqət mərkəzinə düşüb. “Çelsi”nin və Ukrayna yığmasının hücumçusu idmanın yüngül atletika növünə keçməyə qərar verib!

Bu haqda “Marca” nəşri məlumat yayıb. Dopinq qəbul etməkdə ittiham olunan Mixail 2024-cü ilin dekabrından müvəqqəti olaraq futboldan kənarlaşdırılıb. İyun ayında İngiltərə Futbol Assosiasiyası (FA) ona qarşı rəsmi olaraq dopinq qaydalarını pozmaqla bağlı ittiham irəli sürüb və bu, futbolçunun maksimum 4 il müddətinə cəzalandırılması ilə nəticələnə bilər. 24 yaşlı ukraynalı hazırda yüngül ayletika üzrə milli komandada məşqlərə başlayıb və hazırlığı keçmiş olimpiyaçılar tərəfindən idarə olunur. Mudrik 2028-ci ildə Los Ancelesdə keçiriləcək Olimpiya Oyunlarında iştirak etmək istəyir.

Ukraynalı “Çelsi”də 2023-cü ilin yanvarından çıxış edir. Mixail 2024/25 mövsümündə bütün turnirlərdə 15 matç keçirib, 3 qol vurub və 5 məhsuldar ötürmə verib.