Markus Reşford mövsümün sonunda “Mançester Yunayted”ə qayıtmaya bilər.

“Barselona” rəhbərliyi qış “transfer pəncərəsi” zamanı onu birdəfəlik almağı planlaşdırır. “TBR Football”un məlumatına görə, mümkün transferin məbləği təxminən 20 milyon funt sterlinqə (23 milyon avro) başa gələ bilər. Hazırda İngiltərə klubunun qışda oyunçunu buraxmağa razılıq verib-verməyəcəyi məlum deyil. İddiaya əsasən, İspaniya klubu mövsümün sonunda Reşfordu 26 milyon funt sterlinqə (29,9 milyon avro) də ala bilər, amma bu addımı daha aşağı qiymətə - yanvarda reallaşdırmaq istəyirlər.

Reşford “Barselona”ya yayda icarə əsasında qoşulub. O, bu mövsüm meydana çıxdığı 5 matçda 2 qolun və 1 məhsuldar ötürmənin müəllifi olub.