Xorvatiyanın paytaxtı Zaqrebdə keçirilən güləş üzrə dünya çempionatı bu gün başa çatacaq.

“Football-plus.az” xəbər verir ki, DÇ-nin son günündə Azərbaycan güləşçilərinin daha bir qızıl medal qazanmaq şansı var. Həsrət Cəfərov (67 kq) finalda İran təmsilçisi Səid İsmaili ilə qarşılaşacaq.

Xatırladaq ki, ölkəmizin güləş yığması indiyə qədər 7 (1-1-5) medal qazanıb. Ülvi Qənizadə (72 kq) dünya çempionu olub, Georgi Meşvildişvili (125 kq) gümüş, Eldəniz Əzizli (55 kq), Nurəddin Novruzov (61 kq), Arseni Cioyev (86 kq), Osman Nurmaqomedov (92 kq) və Murad Əhmədiyev (97 kq) bürünc medal qazanıb.