“Dediyiniz kimi, çempionatda çox maraqlı mənzərə yaranıb. Bu gün ən acınacaqlı durum "Sabah" və "Neftçi" ilə bağlıdı. Bu komandalar heç cür gözləntiləri qarşılaya bilmir. Bu səbəbdən "Araz-Naxçıvan", "Turan Tovuz" və "Zirə" ilk "üçlük"də qərarlaşıb. "Sumqayıt"ın durumu da ürəkaçandı. Belədə "Qarabağ"ın asanlıqla çempion olacağını deyə bilmərik. Sadəcə, mövsümün əvvəlidi və indiki matçlar Çempionlar Liqasının oyunlarıyla üst-üstə düşür. Qarşıdakı turlarda "Qarabağ" elə start götürəcək ki... İlk 4-5 tur ərzində belə halların yaşanması mümkündü. Ötən mövsüm də belə hadisələr yaşanmışdı. Ağdam təmsilçisi itirdiyi xalları qaytaracaq. Onsuz da komandaların çoxunda sabitlik yoxdu. Bu da göstərir ki, onların əksəri növbəti turlarda axsayacaq. "Qarabağ" sıçrayış edəcəyi təqdirdə önə çıxa biləcək. Bu komandanın çempion olacağına şübhəm yoxdu".