Ötən gün “Zaqatala” “Tiktok” üzərindən azarkeşlərə müraciət edərək, onları ev oyunlarında bilet almağa dəvət edib. Videonun altında isə “Şəki”nin prezidenti Elgün Hüseynov teq olunub. Elgün bəy də videonu öz izləyiciləri üçün paylaşıb.

Bizə çox maraqlı gəldi, Elgün Hüseynov hara, “Zaqatala” hara? “Football-plus.az” məsələni araşdırmaq üçün Elgün bəyin özü ilə əlaqə saxladı. Məlum oldu ki, o, Futbol İnkişaf Fondunun (FİF) şimal-qərb zonası üzrə kuratorudu. Yəni bölgə ərazisində azarkeşləri oyunlara cəlb etmək, bununla bağlı müxtəlif tədbirlər və təşəbbüslər gerçəkləşdirməklə məşğuldu. Bu işi Mingəçevirdə də FİF-in digər əməkdaşları ilə edən Hüseynov ötən mövsüm İmişli və Yevlax təcrübəsi də yaşayıb.

MÜZƏFFƏR QULUZADƏ