Rodriqo ilə bağlı xəbərlər səngimir. O, “Real”dan ayrılmaq istəyir.

"Football-plus.az" xəbər verir ki, bu barədə “The Athletic” məlumat yayıb.

Populyar nəşrin yazdığına görə, 24 yaşlı hücumçu agentlərindən bu yay ona yeni klub tapmağı xahiş edib. “Real”ın vingeri braziliyalının ətrafının onun Madrid klubunda qalmaq istədiyini bildirməsinə baxmayaraq, təmsilçiləri Pini Zahavi ilə Kia Curabçiandan karyerası üçün mümkün variantları araşdırmağı xahiş edib.

Əlavə edək ki, Rodriqo “Real”da 2019-cu ildən çıxış edir.

Yeri gəlmişkən, “Real” sıralarına gənc futbolçu cəlb etmək üzərində işləyir. İspaniya mətbuatının məlumatına görə, Madrid klubu “Alkmaar”dan 19 yaşlı yarımmüdafiəçi Kes Smiti hədəfə alıb. Baş məşqçi Xabi Alonso onu komandanı gücləndirmək üçün perspektivli variant kimi görür.

Smit texnikası və çoxyönlü olması ilə artıq bir neçə top-klubun diqqətini cəlb edib. “Real”ın təmsilçiləri onun Niderland çempionatındakı oyunlarını yaxından izləməyi planlaşdırırlar.