Tuncay Yusifli, yoxsa Cəfərli?

Şamaxıda keçirilən “İmişli” - “Turan Tovuz” oyununda bir məqam gözdən qaçmadı. Belə ki, “İmişli”nin sol cinah müdafiəçisi Tuncay Yusiflinin soyadı PFL-in təqdim etdiyi protokolda Cəfərli yazılmışdı.

Məsələni dəqiqləşdirmək üçün PFL-ə müracilət etdik. Məlum oldu ki, bu, PFL-in texniki səhvidi. Belə ki, futbolçu bu ilin martında soyadını dəyişib. “İmişli” isə ötən mövsüm də komandada oynayan futbolçunun soyadını Yusifli kimi göstərib.

Qeyd edək ki, qurum qarşıdakı turdan futbolçunun soyadını düzgün qeyd edəcək.

MÜZƏFFƏR QULUZADƏ