''Benfika''lı Kərəm Aktürkoğlunun ''Fənərbaxça''ya qalmaqallı transferi məsələsi düyünə düşüb və hələlik bunun necə yoluna qoyulacağı məlum deyil.

Bilindiyi kimi ''Benfika''nın baş məşqçisi Bruno Laje Çempionlar Liqasının 3-cü təsnifat mərhələsində ''Nitsa''ya qarşı cavab oyununda 84-cü dəqiqədə Kərəmi meydana buraxdı. Bununla da qaydalara əsasən türkiyəli ulduz ''Fənərbaxça''ya transfer olacağı təqdirdə pley-offda ''Benfika''ya qarşı oynaya bilməyəcək.

Hadisələrin bu cür axarından sonra iki klubun münasibətləri pozuldu. Halbuki tərəflər arasında 25 milyon avroluq anlaşma əldə olunmuşdu. Kərəmin xidmətindən pley-offda yararlana bilməyəcəyini anlayan ''Fənər'' daha sonra şərtləri dəyişərək ''Benfika''ya 18 milyon avro təklif etdi. Amma Lissabon nəhəngi bu təklifi heç müzakirə belə etmədən cəmi yarım saat sonra geri çevirdi.

Bu arada dünən Portuqaliya çempionatının 2-ci turu çərçivəsində ''Benfika'' ''Eştrela''nın qonağı oldu. İlk turda meydana çıxmayan ''Benfika'' bu görüşdə 1:0 qalib gəlməklə mövsümə qələbə ilə başlamış oldu. Maraqlıdı ki, ''Nitsa'' ilə qarşılaşmanın son anlarında meydana çıxan Kərəm bu dəfə bütün oyunu ehtiyatda keçirdi! Bu da bir daha təsdiq edir ki, Laje türkiyəli futbolçunu ötən oyunda bilərəkdən meydana buraxmışdı.

Laje oyunsonrası mətbuat konfransında bu mövzuda yeni açıqlamalar verərək bunları dedi: