Gənclər və idman naziri Fərid Qayıbov iyunda beynəlxalq yarışlarda uğurla çıxış etmiş idmançılarla görüşüb.

"Football-plus.az" xəbər verir ki, Azərbaycan İdman Akademiyasında keçirilən tədbirdə idmançılarla yanaşı, onların məşqçiləri də iştirak edib.

Tədbir Dövlət Himnimizin səsləndirilməsi ilə başlayıb. Daha sonra nazir “Azərbaycan Respublikasının Əməkdar məşqçisi” fəxri adına və “Azərbaycan Respublikasının İdman ustası” dərəcəsinə layiq görülmüş şəxslərə müvafiq vəsiqə və döş nişanlarını təqdim edib.

Ay ərzində beynəlxalq arenalarda qazanılan uğurları əks etdirən videoçarxın nümayişindən sonra tədbir iştirakçıları çıxış edib. Sonda nazir idmançıları təbrik edərək, onlara qarşıdakı yarışlarda daha böyük uğurlar arzulayıb.