Nəhayət, Viktor Dyökereşin yeni klubu müəyyənləşib.

"Football-plus.az" xəbər verir ki, “Sportinq”in futbolçusu haqda məlumatı insayder Nikolo Skira yayıb.

27 yaşlı hücumçu karyerasını “Arsenal”da davam etdirəcək. İsveçli futbolçu artıq yeni klubu ilə müqavilə imzalayıb. Müqavilənin müddəti 2030-cu ilin yayına qədər nəzərdə tutulub.

Qeyd edək ki, bir müddət əvvəl “Mançester Yunayted” Viktorla fəal maraqlansa da, forvard Çempionlar Liqasında oynamayacaq kluba keçməkdən imtina edib.

Dyökereş ötən mövsüm bütün turnirlərdə 52 oyuna çıxıb, 54 qol vurub və 13 məhsuldar ötürmə edib.