İtaliyanın Kaorle şəhərində keçirilən U-15 Avropa çempionatına yekun vurulub.

"Football-plus.az" xəbər ki, yunan-Roma güləşi üzrə yığmamız komanda hesabında Avropa çempionu olub.

Millimiz yarışı 1 qızıl, 2 gümüş və 3 bürünc medalla başa vurub. 131 xal toplayan yığmamız Ermənistan (125) və Gürcüstan (99) komandalarını arxada qoyub.

Azərbaycan güləşçilərindən Ömər Salmanov (44 kq) qızıl, Hüseyn Əmrahlı (38 kq) ilə Ruslan Nuriyev (75 kq) gümüş, Xudayar Kərimli (38 kq), Hüseyn Mustafazadə (52 kq) və Nadir Həsənov (62 kq) bürünc medala sahib çıxıblar.

Qeyd edək ki, komandamız tarixində 3-cü dəfə Avropa çempionu olur. Yunan-Roma güləşi üzrə millimiz 2022-ci və 2024-cü illərdə də eyni uğura imza atıb.