Əlcəzair futbolunda faciə baş verib. Ölkə çempionatının matçı zamanı tribunaların çökməsi nəticəsində 1 nəfər ölüb, 11 nəfər xəsarət alıb.

"Football-plus.az" xəbər verir ki, bu haqda AFP yerli hakimiyyət orqanlarına istinadən məlumat yayıb.

“Maqra” ilə qolsuz “sülh”ə razılaşan “MK Əlcəzair” ardıcıl ikinci dəfə ölkə çempionu olub. Qələbə sevinci zamanı “5 İyul Stadionu”nda mühafizə səddi çöküb, nəticədə bir neçə nəfər yuxarı mərtəbədən aşağı düşüb.

Əlcəzair Milli Futbol Liqası faciəvi hadisə səbəbindən “MC Əlcəzair”ə kubokun təqdim olunması ilə bağlı mərasimi ləğv edib.