Fatih Terimin gələcək taleyi ilə bağlı yeni xəbər var. Bilindiyi kimi ''İmperator'' dekabrdan bu yana Səudiyyə Ərəbistanında işləyirdi.

"Football-plus.az" xəbər verir ki, ünlü mütəxəssis ''Əl-Şabab''ın başında idi.

Türkiyəli jurnalist Kutlu Akpınarın yaydığı xəbərə görə tərəflər əməkdaşlığı dayandırmaq qərarına gəliblər. Baxmayaraq ki, məşqçi ilə klub arasında birillik şərti müqavilə mövcud idi. Bu müqavilə yalnız hər iki tərəfin istəyi ilə qüvvəyə minə bilərdi. Amma Terim ilə klub rəhbərliyi arasında baş tutan son görüşdə ayrılıqla bağlı qərar qəbul olunub. Rəsmi açıqlamanın ən qısa müddətdə veriləcəyi gözlənilir.

Qeyd edək ki, Terim ''Əl-Şabab''ı 6-cı pillədə qəbul etmişdi və klub mövsümü məhz bu pillədə də tamamladı.

Bundan başqa Ər-Riyad təmsilçisi ölkə kubokunda yarımfinala qədər irəliləməyi bacardı. Ümumilikdə ''Əl-Şabab'' Terimin başçılığı altında keçirdiyi 23 rəsmi oyundan 12 qələbə, 4 heç-heçə, 7 məğlubiyyətlə ayrılmış oldu.