Mixal Probej Polşa yığmasının baş məşqçi vəzifəsindən istefa verib.

"Football-plus.az" xəbər verir ki, Polşa Futbol Assosiasiyasının rəsmi saytının məlumatında onun öz istəyi ilə yığmadan ayrıldığı bildirilib.

Probej bir neçə gün əvvəl milli komandanın lideri Robert Levandovskidən kapitanlıq sarğısını almışdı. 37 yaşlı hücumçu isə baş məşqçi dəyişdirilənədək yığmada oynamayacağını açıqlamışdı.

Polşa millisinə 2023-cü ilin sentyabrında təyinat alan 52 yaşlı mütəxəssis qərarı ilə bağlı “belə qənaətə gəldim ki, hazırkı vəziyyətdə milli komandanın xeyrinə ən yaxşı qərar mənim baş məşqçi postundan getməyim olardı. Bu funksiyanı yerinə yetirmək mənim arzularımın həyata keçməsi və həyatımdakı ən böyük şərəf idi” deyib.