Gənclər və İdman Nazirliyi, Bakı Şəhər Halqası Əməliyyat Şirkəti, Azərbaycan Üzgüçülük Federasiyası, Azərbaycan Triatlon Federasiyası və “Triterra” klubunun birgə təşkilatçılığı ilə açıq suda üzgüçülük üzrə 500 metr məsafəyə yarış keçirilib.

"Football-plus.az" xəbər verir ki, Pirallahı qəsəbəsində “Masters” kateqoriyasında (25 yaşdan yuxarı) yarış “Dalğadan güclü” adlanıb.

Mübarizə 25 yaşdan 68 yaşadək 30-dan çox kişi və qadın idmançı arasında gedib. Kişilər arasında Zaur Arkanya qızıl, Roman Vladıka gümüş, Pyotr Kuvşınov isə bürünc medala layiq görülüb. Qadınlar arasında isə ilk üçlüyə Yelena Timçenko, Valeriya Mixaylova və Tubu Əbdülzadə yüksəliblər.