“Yaxşıdı, yoxsa pisdi - rəhbərlik daha doğru bilir. Qıraqdan baxan adam kimi onu deyə bilərəm ki, legioner məşqçilərə transfer baxımından daha çox üstünlük verirlər. Komandanın formalaşmasında, daha güclü futbolçuların gətirilməsində Kurban Berdıyev kimi avtoritet məşqçinin olması böyük üstünlükdü.Yerli məşqçilərə inam o qədər də yüksək deyil. İndiyə qədər keçdiyimiz təcrübəni, ayrılan maliyyəni nəzərə alaraq bu fikri demək olar. Düzdü, istisnalar da var. Berdıyevin “Turan Tovuz”da olması gələn mövsüm üçün daha yaxşı transfer etməyə imkan yaradacaq. Builki transferlər haqda nəsə demək mümkündü, amma strategiyadan xəbərim olmadığından kimisə günahlandıra bilmərəm. Bəlkə büdcə yetərincə yüksək deyildi. Ümumilikdə onu deyə bilərəm ki, gələn mövsüm üçün daha yaxşı futbolçular transfer etmək imkanları var. Rəqabətdə qalmaq istəyirlərsə, mütləq yaxşı transferlər etməlidilər. “Qarabağ” və “Zirə” sabitliyi saxlayacaq, “Sabah” kubokun sahibi kimi rəqabət aparacaq gücdədi. Ümid edək ki, “Neftçi” də o səviyyəyə gəlib çıxacaq ki, qızıl medal, ən azı medallar uğrunda mübarizə apara bilsin. Belə rəqabətin içində Kurban Berdıyev və rəhbərlik “sandığın ağzını” açmağa məcburdu. Hər halda, düşünürəm ki, Berdıyevin mübariz komanda yaratmaq imkanı var”.