Şamaxı - Qarabağ (Ağdam) 0:1 (0:0)
62. Abdulla Seydəhmədov - 5,0
14. Vüsal Məsimov - 5,5
5. Arsen Ağcabəyov - 5,5
23. Murad Vəliyev - 5,0 
(70. Nicat Xasıyev, 82) - qiymətsiz
18. Cəlal Hüseynov (k) - 5,5
6. Rauf Rüstəmli - 5,5
82. Rüfət Abbasov - 5,5
24. Edqar Adilxanov - 6,0 
19. Fəxri Məmmədli - 5,0 
(89. Cəfər Muxtarov, 79) - qiymətsiz
3. Vladislav Veremeyev - 5,5 
33. Alfons Msanqa - 6,5 
(71. Natiq Ağamalıyev, 88) - qiymətsiz
Ehtiyat oyunçu
85. Kamal Bayramov
Baş məşqçi: Ayxan Abbasov
Komandanın ən yaxşısı: Alfons Msanqa 

99. Mateuş Koxalski - 6,0
13. Bəhlul Mustafazadə - 6,0
44. Elvin Cəfərquliyev - 5,5
(29. Marko Veşoviç, 68) -4,5
27. Toral Bayramov - 6,0  
90. Nəriman Axundzadə - 6,0 
10. Abdulla Zubir (k) - 6,0 
(11. Emmanuel Addai, 68) - 6,5 
7. Yassin Benzya - 6,0 
8. Marko Yankoviç - 6,0 
(66. Patrik Andrade, 68) - 5,0 
9. Kadi Borges - 6,0 
(19. Redon Cica, 81) - qiymətsiz 
2. Mateus Silva - 6,0 
21. Aleksey Kaşuk - 5,5 
(22. Musa Qurbanlı, 68) - 5,0 
Ehtiyat oyunçular
1. Şahruddin Məhəmmədəliyev
97. Fabian Buntiç
55. Bədavi Hüseynov
30. Abbas Hüseynov
81. Kevin Medina
Baş məşqçi: Qurban Qurbanov
Komandanın ən yaxşısı: Emmanuel Addai 

Qol: E.Addai, 86 (B.Mustafazadə).
Vərəqələr: M.Vəliyev, 35 (qeyri-idman hərəkəti). K.Borges, 37 (hakimin
qərarına etiraz). A.Kaşuk, 43 (qeyri-idman hərəkəti). V.Məsimov, 43 (qeyri-idman hərəkəti). A.Msanqa, 67 (qeyri-idman hərəkəti). M.Yankoviç, 67 (qeyri-idman hərəkəti) - sarı. 
Hakimlər: RAUF CABBAROV, Zöhrab Abbasov, Tərlan Talıbzadə, Əkbər Əhmədov (hamısı Bakı).
VAR hakimi: Elçin Məsiyev (Bakı).
VAR hakiminin köməkçisi: Pərvin Talıbov (Bakı).
Hakim-inspektor: Ömər Paşayev (Bakı).
AFFA nümayəndəsi: Elçin Mehtiyev (Bakı).
24 may. Şamaxı. Şəhər stadionu. 1800 tamaşaçı (2200 yerlik).
Birinci hissəyə 1, ikinci hissəyə 3 dəqiqə əlavə olunub. 
Oyunun qiyməti: 5,0.

Bu oyunun komandalar üçün heç bir önəmi yox idi. Biri 1-ci, o biri 7-ci pilləni təmin etməyi bacarmışdı. 

İlk təhlükəli vəziyyəti qonaqlar yaratdı. 2-ci dəqiqəsində Kadi – Zubir – Kaşuk kombinasiyasının qolla nəticələnməsinə Arsen imkan vermədi. “Şamaxı” isə varlığını 15-ci dəqiqədə göstərdi. Kadidən topu alan Msanqa dərhal irəlidə olan Edqara ötürmə verdi. Mərkəzdən irəliləyən Adilxanov qapıçı ilə təkbətək çıxaraq zərbə vurdu, lakin top qapının üstündən keçdi. 34-cü dəqiqədəki epizodun mərkəzində də Edqar idi. O Yankoviçdən sıyrılaraq Msanqaya ötürmə verdi. Msanqa irəliləyərək topu qapı qarşısına göndərsə də, Toral əhlükənin qarşısını aldı.

İkinci yarıda ilk təhlükəli vəziyyəti meydan sahiblərinin ifasında izlədik. Elvindən topu alan Msanqa irəlilədi. Düzdü, Elvin onun zərbə endirməsinə mane ola bildi. Top Edqarın önünə düşsə də, onun zərbəsinin qarşısını Koxalski aldı. 70-ci dəqiqədə Nəriman Axundzadə iki rəqibdən yayınıb zərbə endirsə də, qapıçı yerində idi. 81-ci dəqiqədə Msanqa bu dəfə Silvadan topu alıb irəlilədi. Topu Edqara ötürdü, Adilxanov isə Murad Vəliyevi zərbə mövqeyinə çıxardı. Sonuncu “çərçivə”yə düşə bilmədi.

86-cı dəqiqədə oyuna sonradan qoşulan Addai uzaq məsafədən qarşısıalınmaz zərbə ilə topu tora qovuşdurdu. Son dəqiqələr qarşılıqlı hücumlar şəraitində davam etsə də, hesab dəyişmədi.

Beləliklə, “Qarabağ” Şamaxı səfərindən də qələbə ilə qayıtdı.

Gözdən qaçmadı
* “Şamaxı”nın futbolçuları “Qarabağ” üçün çempionluq dəhlizi yaratdı. Ağdan təmsilçisi rəqib futbolçuların alqışı ilə meydana daxil oldu. 
* "Şamaxı"nın kapitanı Kamal Bayramov peşəkar futbolçu karyerasını başa vurdu. Klubun idarə heyətinin sədri Elçin Usub 40 yaşlı qapıçıya xatirə hədiyyəsi təqdim etdi.
* İlk hissədə şamaxılı azarkeşlər Qurban Qurbanovun ünvanına “gənc heyəti uda bilmirsiz” dedi. 
* “Şamaxı”nın futbolçuları bəzi azarkeşlərin forma istəyini yerdə qoymadı. 

ƏSƏD SEYİDOV