“Sabah”dakı dönəmlə qürur duyuram. İkinci mövsümdə (2022/23 – red.) bizdə çox yaxşı komanda toplaşmışdı, hər şey alınırdı. Həmin mövsümün ortalarında “Krasnodar” baş məşqçisini dəyişdi, Aleksandr Starojuk getdi. Təsadüfən həmin günlərdə Krasnodardaydım, bundan xəbər tutan Vladimir Leonidoviç (“Krasnodar”ın baş direktoru Xaşiqi nəzərdə tutur – red.) görüşə çağırdı: “Sizin namizədliyinizi nəzərdən keçirə bilərikmi?” Məni seçib-seçməyəcəklərini bilmirəm, ancaq onda dedim ki, “Sabah”dan gedə, rəhbərliyin inamını itirə bilmərəm. “Sabah” Azərbaycan çempionatında ikinci oldu, avrokuboklara vəsiqə qazandı. Həmin mövsümün sonunda qəlbimin dərinliyində anladım ki, gec-tez evə qayıtmaq və həmin vaxta qədər bacarmadığımı etmək – Rusiya çempionu olmaq istəyirəm. Onda məşqçi kimi böyüdüyümü anladım, inam hiss etdim. Pafoslu sözlər demək istəmirəm, ancaq həmin məqamda “Krasnodar”a dönməyi və çempionluğu arzuladım. “Sabah”dakı sonluq da o qədər yaxşı alınmadı”.