Qadınlardan ibarət cüdo yığmamız Sarayevoda (Bosniya və Herseqovina) keçirilən Avropa kubokunun qalibi olub.

"Football-plus.az" xəbər verir ki, komandamız iki qızıl və iki bürünc medal qazanıb.

Kənül Əliyeva (48 kq) və Gültac Məmmədəliyeva (57 kq) qızıl, Leyla Əliyeva (48 kq) və Günel Həsənli (78 kq) isə bürünc medala yiyələniblər.

Avropa kubokunda yığmamız birdən çox qızıl medal qazanan yeganə komanda olub. Xorvatiya (1-3-0) ikinci, Polşa isə (1-2-2) üçüncü yerə yüksəlib.

Qeyd edək ki, yarışda ümumilikdə 13 ölkənin cüdoçuları fərqlənib.