Macarıstan millimizə rəqib oldu - DÇ

Bakıda keçirilən minifutbol üzrə dünya çempionatı davam edir.

"Football-plus.az" xəbər verir ki, bu gün yarımfinal mərhələsinin oyunları baş tutub.

Milli Gimnastika Arenasında ilk finalçı Azərbaycan – Monteneqro qarşılaşmasında müəyyənləşib. Futbolçularımız 2:1 hesabı ilə qalib gəliblər.

Ardınca meydana Macarıstan və Serbiya çıxıb. Oyunun əsas vaxtında hesab açılmayıb və qalib penalti seriyasında bəlli olub. Daha dəqiq zərəblər vuran Macarıstan 3:1 hesabı ilə üstün olaraq, finala yüksəlib.