“Açığı, sualınız bir qədər qəribə səslənir” – Arif Əsədov nəyə təəccübləndi?
“Araz-Naxçıvan” baş məşqçisi Elmar Baxşıyevlə əməkdaşlığı davam etdirmək qərarına gəlib.
Tarixində ilk dəfə avrokuboklara vəsiqə qazanan Naxçıvan təmsilçisi 2025/26 mövsümündə də komandaya Baxşıyevin rəhbərlik etməsini məqsədəuyğun sayıb. Tərəflər arasında imzalanan yeni müqavilə bir ili əhatə edir.
Bəs Elmar Baxşıyevlə müqavilə müddətinin uzadılması nə dərəcədə doğrudu? Komanda qış fasiləsindən sonra keçirdiyi 18 oyunda cəmi üç qələbə qazanıb. Belə nəticə fonunda Avropaya Baxşıyevlə getmək risk deyilmi? Bu sualları təcrübəli mütəxəssis Arif Əsədova ünvanladıq:
“Açığı, sualınız bir qədər qəribə səslənir. Bu artıq klubun qərarıdı. “Araz-Naxçıvan” tarixində ilk dəfə mövsümü 3-cü pillədə tamamlayaraq Konfrans Liqasına vəsiqə qazanıb. Bu, az nəticə deyil. Klubun büdcəsi o qədər də böyük deyil. Elə amillər var ki, Elmar Baxşıyevin gördüyü işə yalnız müsbət yanaşma tələb edir. Belə nəticəyə kölgə salmaq əvəzinə ona verilən dəyəri düzgün anlamaq lazımdı. Büdcəsi daha böyük olan, hədəfinə çatmayan klublar var. Niyə də Elmar davm etməsin? Buna görə də, məncə, Elmar Baxşıyevin gördüyü işə müsbət yanaşmaq lazımdı”.
ƏSƏD SEYİDOV
Digər xəbərlər
