Zirə – Sabah (Bakı) 1:1 (1:0)
41. Anar Nəzirov – 5,5
7. Məqsəd İsayev – 5,5
(3. Ange Mutsinzi, 73) – 4,5
14. Elçin Əlicanov – 5,0
29. Ceyhun Nuriyev – 5,5
4. Ruan Renato (k) – 5,5
90. Davit Volkov – 6,0
10. Georgi Papunaşvili – 6,5
(19. Salifu Suma, 66) - 5,0
30. Rikardo Martins – 5,0
(15. Pyer Zebli, 73) – 4,5
70. İssa Cibrila – 5,5
18. Junior Martins – 6,0
(11. Rüstəm Əhmədzadə, 73) – 4,5
17. Ayron Qomis – 5,0
(8. İsmayıl İbrahimli, 73) – 5,0
Ehtiyat oyunçular
13. Aydın Bayramov
99. Səlim Həşimov
53. Şahmar Aşurov
48. Ramiz Muradov
43. Əhliman Süleymanzadə
5. Stefan Aka
Baş məşqçi: Rəşad Sadıqov
Komandanın ən yaxşısı: Georgi Papunaşvili

92. Stas Pokatilov – 5,5
10. Namik Ələskərov (k) – 5,5
(12. Vinsent Till, 65) – 5,0
9. Anatoli Nuriyev – 6,0
(15. Seymur Məmmədov, 84) – qiymətsiz
5. Rəhman Daşdəmirov – 5,5
6. Abdulax Xaybulayev – 5,5
(8. Ayaz Quliyev, 65) – 5,0
4. Sofian Çakla – 5,5
(17. Tellur Mütəllimov, 65) – 5,0
18. Pavol Safranko – 6,5
40. İqor Noqeyra – 5,5
70. Cesse Sekidika – 6,0
3. Con İrasabal – 5,5
13. İvan Lepinitsa – 6,0
(33. Umarali Raxmonaliyev, 77) – qiymətsiz
Ehtiyat oyunçular
55. Nicat Mehbalıyev
32. Elgün Dünyamalıyev
7. Boyan Letiç
11. Kahim Parris
99. Neqoş Kupusoviç
83. Stefen Ende
Baş məşqçi: Vasili Berezutski
Komandanın ən yaxşısı: Pavol Şafranko

Qollar: G.Papunaşvili, 26 (1:0, D.Volkov). P.Şafranko, 68 (1:1, V.Till).
Vərəqə: S.Çakla, 57 (qeyri-idman hərəkəti) – sarı.
Hakimlər: ELÇİN MƏSİYEV, Elşad Abdullayev, Pərvin Talıbov, Vüqar Həsənli (hamısı Bakı).
VAR hakimi: Əliyar Ağayev (Bakı).
VAR hakiminin köməkçisi: Kamran Əliyev (Bakı).
Hakim-inspektor: Ceyhun Haşımov (Bakı).
AFFA nümayəndəsi: Anar Şıxəliyev (Bakı).
17 may. Zirə. İdman Kompleksinin stadionu. 1000 tamaşaçı (1256 yerlik).
Birinci hissəyə 1, ikinci hissəyə 3 dəqiqə əlavə olunub.
Oyunun qiyməti: 5,5.

Gümüş medalları 33-cü turda təmin edən “Zirə” şənbə günü çempionatda heç bir iddiası qalmayan “Sabah”ı qəbul etdi. Həm “Qartallar”, həm də “Soldati di Sabah” azarkeş qrupları öz sektorlarında yerlərini almışdılar.

Oyun qarşılıqlı hücumlarla başladı. İlk təhlükəli vəziyyət “Sabah”dan gəldi. Rəhmandan ötürmə alan Sekidika cərimə meydançası daxilində Şafrankoya topu çatdırmaq istəsə də, bu cəhd uğursuz alındı. Topu ələ keçirən Elçin ötürmədə səhvə yol verdi və nəticədə top yenidən Sekidikaya qayıtdı. Cessenin zərbəsinin qolla nəticələnməsinə isə qapı dirəyi mane oldu.

25-ci dəqiqədə, yəni “Zirə”nin ilk ciddi hücumunda hesabı açıldı. Junior – Volkov–Papunaşvili kombinasiyası zamanı sonuncunun başla zərbəsi qolla nəticələndi. 30-cu dəqiqədə Anatoli Namiq Ələskərova ötürmə verdi, lakin Cibril onun zərbə endirməsinə imkan vermədi. Qayıdan topa yaxınlaşan İrasabalın zərbəsini isə Ruan ustalıqla küncə çıxardı. Cəmi 5 dəqiqə sonra Şafranko – Sekidika – Lepinitsa kombinasiyası quruldu, lakin sonuncunun zərbəsində dəqiqlik çatmadı.
48-ci dəqiqədə Martinsin cərimə zərbəsindən birbaşa qapıya yönəltdiyi topu Pokatilov zərərsizləşdirdi. 50-ci dəqiqədə Xaybullayev topu Çaklaya çatdırdı. Sofianın qapı qarşısına ötürməsində isə Cesse uğursuz zərbə ilə yadda qaldı.

Hər halda, “bayquşlar” hesabı bərabərləşdirə bildi. 68-ci dəqiqədə Şafranko topu tora göndərdi. Cəmi 2 dəqiqə sonra İrasabal topu yan xəttdən meydana daxil etdi. Şafranko başla topu İvana ötürsə də, onun zərbəsinin qolla nəticələnməsinə yenə də qapı dirəyi mane oldu. 72-ci dəqiqədə Pokatilov Martinsin növbəti cərimə zərbəsini də dəf etməyi bacardı. Matçın son dəqiqəsində Ayaz Quliyev uzaq məsafədən bəxtini sınadı, lakin zərbəsində azacıq dəqiqlik çatmadı.

Gözdən qaçmadı
* “Qartallar” “Avropa, Avropa, gözlə bizləri” dedi.
* PFL-in himni hakimlər və futbolçular meydana tam çıxandan sonra çalındı.
* Eldar Quliyev, Qismət Alıyev və Fuad Bayramov oyunu tribunadan izləyirdi.

ƏSƏD SEYİDOV